Mat og drikke – sommaren 2026 på Eivindvik Brygge
Mat, møtestad og liv på gamle Sandalskaia
Sommarsesongen 2025 vart avslutta 8. august, og vi ser tilbake på ein flott sommar full av gode minner. Vidareføringa av konseptet frå 2024 fungerte særs godt – og gjennom heile sesongen serverte vi mellom anna vår populære pizza, saman med fleire smakfulle alternativ. Det var tydeleg at både nye og faste gjester sette pris på tilbodet.
No ser vi fram mot sommaren 2026, og gler oss til å ønskje både kjente og nye gjester velkomne tilbake til Eivindvik Brygge.
Målet vårt er det same som alltid:
Å vere ein inkluderande møtestad for alle – anten du kjem frå Gulen eller er innom på reise.
Denne sommaren prøver vi likevel ei ny tilnærming. Vi vil samle all aktivitet nede på sjølve kaiområdet, i og rundt butikken.
Gamle Sandalskaia skal få utvikle seg vidare som ein levande møteplass – ein stad der folk kan slå seg ned, nyte mat og drikke, og vere ein del av sommarlivet i Eivindvik.
Arrangement og sommaraktivitetar 2026
Eit av dei store satsingsområda denne sommaren er VM-feberen i juni og juli.
Vi jobbar no med å skaffe visingsrettar og dei nødvendige løyva for å vise kampar frå fotball-VM i eit eige telt på Sandalskaia. I samband med kampane – og elles gjennom heile sommaren – vil det vere mogleg å kjøpe mat og drikke.
I tillegg planlegg vi fleire arrangement og sosiale aktivitetar. Programmet er ikkje heilt klart enno, men vi oppdaterer fortløpande etter kvart som detaljane fell på plass.
Éin ting kan vi love: Det blir både spanande, sosialt og triveleg på brygga, også for dei som ikkje er fotballnerder.
For å halde deg oppdatert og ikkje gå glipp av noko – følg med på:
Heimesida vår
Her deler vi informasjon så snart nytt er klart.
Opningstider 2026
Vert fastsette nærare sesongen
Servering, arrangement eller grupper
Er de ei større gruppe som ønskjer servering og/eller møterom for inntil 30 personar, er de hjarteleg velkomne til å ta kontakt.
Send e-post til booking@eivindvikbrygge.no, eller ring oss på +47 91 90 98 04 – legg gjerne igjen telefonnummer, så tek vi kontakt.
