Kystpilegrimsleia

Egersund - Stavanger - Bergen - Ålesund - Trondheim

Eivindvik med Gulatinget er ein nykkelstad langs kystpilegrimsleia, ei vandring langs vakker, norsk kyst med skjær, holmar, fjell og rik historie. Nykkelstadene har blitt valt ut fordi dei har ein særegen historisk, tradisjonell og kulturell verdi. Eivindvik tilbød ein lun hamn langs ruta til Trondheim og med Gulatinget var det plassen for eit av dei eldste regionale tinga frå vikingtida. I dag står Tusenårsstaden til minne om tinget som gav oss Gulatingsloven, den eldste bevarte lovsamlinga i Norden. I parken på Flolid, tusenårsstaden, kan du oppleve Bård Breivik sine monumentale kunstverk, og du kan fylgje kulturvandring digitalt. Somarstid er det guiding på staden nesten kvar dag, og for større grupper kan dette bookast gjennom heimesida: gulatinget.no.

I dag tilbyr Eivindvik brygge overnatting heile året og pilegrimar får 10 % rabatt på besøket. Spør om alt frå transport, båtruter og guiding - me er godt kjend og hjelper deg gjerne i planlegginga.

Korleis kjem du deg hit utan bil?

Anbefalinga frå oss er å ta hurtigbåt frå Bergen til Sollibotn. Båten har to daglege avgangar og du finn ruta på norled.no. Etter avtale kan me plukke deg opp på kaia eller hente bagasjen din slik at du kan gå langs vår fine turveg som tar deg heile vegen frå hurtigbåtkaia til dei historiske steinkrossane, kyrkja og Eivindvik sentrum, kor du også finn Eivindvik brygge. Tilbring ein natt hjå oss før du vandrar, eller avtalar transport til kaia for hurtigbåten, som kan ta deg vidare til neste stopp langs leia. Det er også mogleg å reise vidare til Rutledal kor ferja tek deg over til neste nykkelstad; Hyllestad. Det siste bilete i bileteserien under er derifrå. Hurtigbåten vidare nordover er også eit godt, og behageleg, alternativ.

Utforsk og les meir om Gulatinget og kystpilegrimsleia på sidane det er linka til her.

Reise med bil?

Om du kjem med bil, er Eivindvik ca. 2 timar køyretid nord for Bergen. Du kan ta ferje på sambandet Leirvåg-Sløvåg, eller køyre via Brekke og få ein tur langs Sognefjorden på vegen hit. Ein spesiell reise med unik utsikt, på svingete vestlandsveger.